وانت ياللي من غلاتك
في عيوني..
لون أحزاني الرمادي
صار زهري..
\
/
والجماد اللي يشوفك!
صار ينطق..
ياجمالك..لو تدري!

صار هذا اللون أروق..

صار يحرق..
مع وجودك..
كل دمعه


صار انيني..

صار يواسيني وحنيني

وايترفّق,,
في جنونه
الاحترافي
وايتغطرس

مع تناهيدي الحنونه

\
/
\
/
\
/

عزتي له
ذلك اللون الرمادي...

المُعافى ..من حلاتك

المُحلّى بلون عذري!









المشاعر خيول في ضميـري تجـول
جاوبتها حروفي يوم صـارت صهيـل
والقوافي فوارس روضـت هالخيـول
فـي مياديـن شعـري علمتهـا تميـل
لين ترجمت حرفي من حنيني هطـول
وارتوته المسامع صافـي و سلسبيـل
في يراعـي ألاقي..للمعانـي وصـول
القصيده تقطـر مـن يـده ثـم تسيـل
والدفاتر تغنّـي حـيّ ولـد الأصـول
الذي فـي جنابـه يسهـل المستحيـل
واللي عجزن بناتي بالفكـر لا تطـول
مايكنـه جليلـي مـن شفـا للغلـيـل
ان بكيت انحني له واشتكي ثـم يقـول
دامني فـي يمينـك نعـم والله الخليـل
مع صريره جروحي من ضميري تزول
يزهرن ّ الصحاري..في عيون العليل!!
من قفار لجنان و من جفـاف لسهـول
حي هذا المـداد وحـيّ ذاك الجليـل
ياجنون الركـاده فـي حيـاة العقـول
اكتبينـي حكايـه والقلـم والـف ليـل
ارسمينـا عداله..تستحـق الـذهـول
وادمجيـنـا بلونٍ..للمعاني..جمـيـل
خلي الجو ربيعي في جميع الفصـول
واتركينـا أمانه..مـع هـواه العلـيـل





ملتووش