بسم الله الرحمن الرحيم

السلام عليكم ورحمة الله وبركاته
في البداية من يوم سجلت في هالمنتدى المبارك ماقد نزلت ولا موضوع
وكما قيل من طول الغيبات جاب الغنايم
وهذي غنيمتي

انشالله تعجبكم

في بداية الموضوع الكل يبحث عن الصور وين الصور لكن انا ماراح انزل الصور الا في اخر الموضوع
ليييييييش

عشان ابغاكم تقرون الموضوع والسطور اللي اوجعني اصبعي وانا اكتبها
وفي الاخير محد يقراها

اولا نبدا بالسفر
وما يجب على المسلم عند السفر

يجب على المسلم طاعة الله عزوجل في حله وترحاله وان لا ينسى ربه اذا خرج عن بلده
وان يتحلى بالاخلاق الحسنه لان الدين المعامله

ايضا يجب ان لا ينسى دعاء السفر من بداية الرحله

عند خروج الانسان من بلده يجب ان يكون له بصمه دعوية في كل مكان
وان يدعو الى الله في اي مكان

ويحاول تغيير المنكر بأي وسيله
((من رأى منكم منكرا فليغيره بيده فان لم يستطع فبلسانه فان لم يستطع فبقلبه وذلك اضعف الايمان ))

ان كان لا يمكن فأقل القليل ياخذ معه بعض الاشرطه ويوزعها على الناس
فان بعض الاشخاص تحتاج الى توجيه

ايضا يجب على الانسان استغلال وقته في طاعة الله والذكر
والاستغفار
((فقلت استغفرو ربكم انه كان غفارا))
ولا يمضي وقته في اللهو واللعب حتى وان كان مسافرا

ايضا يحرص المسلم على غض البصر والبعد عن الملاهي والمعازف وتجمعات الفساد

ومن هنا تبدا الرحله الى صلاله

في بداية الرحله انصح كل ذاهب الى صلاله ان لا يذهب بالسياره ومعه عوائل لانها قصت ظهر
ولا يروح بسياره صغيره

اذا كان يبي الوناسه يروح بجيب اوجمس
او اي سياره كبيره لان الدعوه كلها امطار وطين

ولا ينسى ياخذ معه عزبه كااااااامله من الى
قهوه وشاهي وطبخ وغيره

لان اسعار الاكل هناك كلها غااااااليه
نبدا بالاسعار

اللحم من 400 ورايح اللي هو التيس عندهم
والتيس يالله يكفيني لحالي

النواشف غاليه لكني ماقد شريت من عندهم

الخبز بريالين ورايح

البنزيم وما ادراك ما البنزيم
غاااااااااالي دبل السعوديه

بدأنا باختيار الامير للرحله وتحديد الميزانيه ((القطه))
القطه 1500
طبعا الطريق حوالي 2300 كيلو
هذا مع الاختصار
يعني لو ما اختصرنا يمكن تزيد 400 كولو

انطلقنا في يوم الاربعاء 3-8-2008
في تمام الساعة 5 عصرا متجهين الى الخرج ثم الى حرض ثم الى الامارات
من الخرج الى منفذ البطحا الطريق سيد واحد وكله رمال
450 كيلو تقريبا
يعني انتبه

من منفذ البطحا الى العين تقريبا 400 كيلو
طريق ممتااااااااااااز وسيدين
دخلنا العين على الساعه 3 تقريبا
وبدانا في البحث عن السكن

مالقينا الا من 400 الى 600 ريال
ماش الاسعار غاليه يولد دور غيرها

سالنا واحد من الاماراتيين وما قصر قال روحو للبريمي
البريمي ولايه تابعه لسلطنة عمان
لكن ما بينها وبين الامارات الا جدار

دخلنا البريمي بعد الفجر وندور وندور وندور
ما لقينا الا رخيص وفلللللللللل

ولا غالي وفاضي
قلنا يولد مسسسسسسسسسسسسسها لعبري

عبري تابعه لسلطنة عمان تبعد عن مدينة العين تقريبا 115 الى 130 كولو
رحنا لعبري
واول ما استقبلنا فيها فندق ب360 ريال
وش السوات ياشباب
قالو ادخل لعبري يمكن تلقى ارخص

دخلنا عبري واستقبلنا شقق مفروشه اسمها المجد

حلوه ورخيصه ب200 ريال
تمام اسحبها نومه يا سنايدي

ولا قمنا الا الساعة 5 العصر

صلينا الظهر والعصر جمع تأخير وبسمك يارحيم على صلاله

تغدينا فطيره وعصير عشان التوفير
ومسيناها

من عبري الى هيما مرورا بالغابه

يجب التزود بالوقود في كل محطه
انتبه

جلسنا في هيما وصلينا المغرب ووالعشا جمع تقديم
وصلحنا القهوة والشاهي وتقهوينا

وعلى صلاله اليييييييييييييين جتنا هالوحه




وامسك اليمين درب الغانمين
ويسار درب السكار

ومن هيما الى قنبيت ثم الى ثمريت
ثم الى صلاله

ملاحظه لاحذنا كل اسماء المناطق تنتهي ب يت

حتى انا غيرت اسمي الى سعديت

وعند دخولنا الى صلاله استقبلنا الرذاذ والا مطار والجو البارد
لكن المشكله اننا دخلناها في الليل

وهذي صورة اول ما دخلنا صلاله



وبعدها بدينا بالبحث عن شقه
ولقينا الشقق غااااااااليه

لكن للشباب دور اي شي
يعني مش حالك
ولقينا غرفه وحمام بس

بدون فرش وبدون شي ب250 ريال طبعا هذي بالصدفه لقيناها

لكن الاسعار من 300 وفوق

ومن صباح السبت بدينا نتجول في الاماكن الطبيعيه

طبعا انتم تنتظرون الصور

ماراح انزلها الا بعد 10 ردود

وكل رد يذكر فائده من الكلام اللي فوق

وهذي هديه لكم



الله الله بالردود والفوائد
ولا مافيه صور ههههههههههههه